Jömm í verslunum

AIÖLI sósan okkar er aðal Jömmið. Þetta er dýrðin sem fylgir kartöflunum okkar frægu á Jömm í Kringlunni og satt best að segja gerir hún allt betra. Við notum svo mikið af ekta hvítlauk í hana að það er því sem næst útilokað að vampírufaraldur komi upp á Íslandi.

REMÖLAÐI þarf nú varla að útskýra nánar. Við mælum auðvitað með þessu á smörrebröd og pylsur. Þetta remö er auðvitað vegan en sagan segir að hópur allskonar fólks sé í áskrift eingöngu bragðsins vegna.

Það þarf ekkert að útskýra tilvist eða eiginleika PÍTÖsósunnar, hún er bara svona sósa sem passar hrikalega vel á pítur.

CHIPÖTLE er bragðmikil sósa sem við notum á Spicy og Kebab réttina okkar á Jömm í Kringlunni. Bragðið er með reyktum undirtóni, áferðin er þykk og mjúk og tilfinningin er létt spæsí.

Af hverju MÆJÖ? Það er til ýmiss konar vegan mæjónes þarna úti, en okkar stefna er sú að ef þú ætlar að fá þér mæjó, hafðu það þá almennilegt. Mæjöið okkar er laust við ýmsa algenga ofnæmisvalda en við pössum að hafa það alveg ekta, með háu fituinnihaldi og endalausum möguleikum. Halló brauðtertupartý, sósugerð og gúrmeti!

KÖKTEIL er náttúrulega íslenskari en haustlægðir á færibandi. Við biðum lengi með að bæta þessu krúnudjásni í safnið því svona góðkunningi má ekki vera neitt minna en ómótstæðilegur. Við tókum nostalgískt twist á þetta með aðstoð sérfræðinga og mælum með að löðra þessari á frosnar pizzur (mælt er með að hita þær fyrst), yfir fröllur auðvitað og með öllum öðrum mat tö be honest.

Ef þér finnst Beisik börgerinn góður þá muntu elska að eiga SINNÖPSsósuna okkar heima. Innblásturinn að þessari kom frá hugmyndinni um þessar venjulegu „honey-mustard“ sósur, nema hvað þessi inniheldur hvorki hunang né aðrar dýraafurðir.

BERNÖS var okkar stærsta áskorun fram að þessu þar sem hefðbundin útgáfa er gerð úr næstum því engu nema dýraafurðum. Okkur langaði að hafa hana þykka, kalda, bragðmikla og djúsí svo við gerðum vegan bernösmæjö sem sumum finnst betri en allar aðrar.

(Lifehack: Þú getur beðið um bernös í stað sinnöps á Beisik börgerinn í Kringlunni)

Sagði einhver SÖMMER? Þessi hógværa snilld var vinsælasta sósan okkar sumarið 2020. Hugmyndin var að gera handhæga, alhliða kalda sósu sem passaði með grillmat – og þá sérstaklega með Oumph! Sticky Smokehouse rifjunum. Fólk tók henni með trylltum fögnuði og hefur henni verið lýst sem einhvers konar staðgengils vinsællrar ídýfu, mexíkó-ostasósu eða piparsósu með óvæntum snúningi.